[Urdu Poetry] - Intezar Ghazab Kiya Jo Terey Wadey Per Eitbar Kiya

 
">


Ghazab Kiya Jo Terey Wadey Per Eitbar Kiya

Tamam Umar Qeyamat Ka Intezar Kiya.. ....


Hansa hansaa ke shab-e-vasl ashk-baar kiyaa

Tasaliyaan mujhe de-de ke beqaraar kiyaa


Ham aise mahv-e-nazaaraa na the jo hosh aataa

Magar tumhaare taghaful ne hoshiyaar kiyaa


Fasaana-e-shab-e-Gam un ko ek kahaanii thhii

Kuchh aitabaar kiyaa aur kuchh naa-aitabaar kiyaa


Ye kisne jalvaa hamaare sar-e-mazaar kiyaa

Ki dil se shor uThaa, haa_e! beqaraar kiyaa


Tadap phir ai dil-e-naadaan, ki Gair kahate hain

Aakhir kuchh na banii, sabr ikhtiyaar kiyaa


Bhulaa bhulaa ke jataayaa hai unko raaz-e-nihaan

Chhipaa chhipaa ke mohabbat ko aashakaar kiyaa


Tumhen to vaadaa-e-deedaar ham se karna thaa

Ye kyaa kiyaa ke jahaan ko ummiidavaar kiyaa


Ye dil ko taab kahaan hai ke ho maalandesh

Unhone vaadaa kiyaa ham ne aitabaar kiyaa


Na puuchh dil kii haqiiqat magar ye kehte hain

Vo beqaraar rahe jisane beqaraar kiyaa


Kuchh aage daavar-e-mahashar se hai ummeed mujhe

Kuchh aap ne mere kehne kaa aitabaar kiyaa