DARD WOH GEET JO TUM NE SUNA NAHIN, MERI UMAR BHAR KA REYAAZ THA

 
Woh geet jo tum ne suna nahin, meri umar bhar ka reyaaz tha,
Mere dard ki thi woh dastaan, jisey tum hanssi mein urra gaye..

===========================
Toot jata hai to sur aur bhi lau deta hai,
Dil jisey kehte hain woh saaz juda hai sab se..

===========================
Raat dhalne lagi hai badan thakan se choor hai,
Aye khayal-e-yaar taras kha sone de mujhe..

===========================
Tafseel se kaise sunayen yeh kissa muhabbat ka,
Ke tum masroof ho ab tak hamain barbaad karne mein …

===========================
Doston se bichra hua parinda dekh kar,
Bojh dil ka lag raha hai kis qadar halka mujhe..

===========================
Chalti hai ab to saans bhi is ehtiyaat se,
Jese guzar rahi ho kisi pul siraat se..

===========================
Dil tujh se bicharr kar bhi kahan jaye ga aye dost,
Yadon ke khilone se behel jaye ga aakhir..

===========================
Hum Jee Rahe Hyn Koi Bahana Kiye Bagair,
Us K Bagair, Us Ki Tamanna Kiye Bagair..

Advertisement