Koi to ho jo meri wehshaton ka saathi ho..

 
Posted by:Zeshan

Deyaar-e-noor main teera-shabon ka saathi ho,
Koi to ho jo meri wehshaton ka saathi ho,

Main us se jhoot bhi boloon to mujh se sach bole,
Mere mizaaj ke sab mausmon ka saathi ho,

Main us ke hath na aaon woh mera ho ke rahe,
Main gir parroon to meri pastiyon ka saathi ho,

Woh mere naam ki nisbat se moatbar thehre,
Gali gali meri ruswaayiyon ka sathi ho,

Kare kalaam woh mujh se to mere mere lehje se,
Main chup rahoon to mere taivron ka saathi ho,

Woh khawb dekhe to dekhe mere hawaale se,
Mere khayaal ke sab manzaron ka saathi ho..

Advertisement