Ishq Shayari – Jala kar shama-e-ulfat aap ne foran hi gul kar di

 
Posted by:Zeshan

Jala kar shama-e-ulfat aap ne foran hi gul kar di. . !
Khudara ye bata dejiye k parwano’n ka kia ho ga. ?

==========================

Hamaray dil ne
Tumhain bhulanay ki thaan li hai
Magar ye mumkin hi kis tarha hai tumhain bhula dain
Hamari palko’n ki chilmano’n mein tumhara chehra chupa hua hai
Tumhain jo dekha
Hamari dharkan k taar baajay
Khananan khananan chooriya’n pukarain
Chananan chananan payalo’n ne cherra, fazain jhoomain
hathelio’n ko hina ne chooma to choomti hi chali gai hai
Ye zulf gainday ki khushbuo’n mein rachi basi hai
Tumhain jo dekha
Hawa ne sargoshio’n mein poocha
Ho khoi khoi c kis liye tum?
Suno saheli chupa rahi ho. .
Tumhain muhabbat hui kis se?
Tumhain muhabbat hui kis se?

==========================

Preet k rung mein tan man rung kar. .
Apni sudh budh kho baithay gi
Raikhao’n ko ro baithay gi
Dekh saheli youn na karna
Preet ki agni se tu darna. . !
Preet na karna. . !

==========================

Muhabbat rait jesi hai. . !
kisi bhi band muthi mein
magar ye bhi haqeeqat hai.
Achanak be-khayali mein
Bina sochay Bina samjhay
Yunhi bus be-irada hi
Ye muthi khul bhi jati hai. . 1

==========================

Azal se ta abad jana’n
Falak k chaand taaro’n se
Meri dharti k zarro’n se
Paharo’n ki bulandi se
Saba ki shokhio’n se aur phoolo’n ki malamat se
Tapish khursheed ki
aur
chaand ki ro pehli kirno’n se
Ufaq ki wus’aton aur neelgoo’n gehray samander se
Kahin ziada
kahin barh kar
Mujhy tum se MUHABBAT HAI. . !

==========================

Chalo apni muhabbat sabhi ko baant aain. . !
Har ik pyar ka bhooka dikhai deta hai. . !

==========================

Muhabbat neend se jagay huay

Toofaa’n jesi hai

Kisi Simtay Huay

Heeja’n jesi hai

Muhabbat ko kabhi

Kamzor mat jano. . !

Advertisement