Dard Shayari – Suno Janaa’n Boht be-sakooni hai hamari zaat mein

 
Posted by:Zeshan


Suno Janaa’n
Boht be-sakooni hai hamari zaat mein
Boht masroof rehna parr raha hai. .

Boht se kaam hain
Jo apny zimmay ley rakhay hain

Magar, inhi saray jhamelo’n mein
Tumhari yaad ka wo aik jugnu, ab chamkay to

Ye aankhain bheeg jati hain.
Tumhari yaad k roshan sitaray timtimatay hain

Tou dil bujh sa jata hai
Hawa ko sub pata hai

Mery dil ki khabar hai
Meri palkon k aansu

Khud mein jazb kar k num c ho jati hai. . !
Suno Janaa’n

Boht hi be-sakooni hai hamari zaat mein Lekin
Tumhain hum yaad karty hain

Tumhain ab bhi
Boht hum pyar karty hain.

=====================================

Chaha hai tujh ko tery taghaful k bawajood. . !
Ae zindagi tu yaad karay gi kabhi humain. . !

=====================================

Jo mananay k fun se waqif hon
Wohi aksar khafa bhi hotay hain. . !

Jo baray ba-wafa se dikhty hain
Wo baray be-wafa bhi hoty hain

Jo theherty hain zeest ka haasil
Wohi lamhay saza bhi hoty hain

Hum ko itni khabar nahi hoti
Hum kisi ki dua bhi hoty hain

Jo bicherny ka wehem rakhtay hain
Wohi aksar juda bhi hoty hain. . !

=====================================

Sochoon to saari umar mohabat me katti hai,
Dekhoom to ik shakhss bhi mera nahi huaa.

=====================================

Advertisement