Toot jaye na bharam

 
Posted by:Zeshan
Toot jaye na bharam hont hilaaon kese..

Toot jaye na bharam hont hilaaon kese,
Haal jesa bhi hai logon ko sunaaon kese,
Khushk ankhon se bhi ashkon ki mehak ati hai,
Main tere gham ko zamane se chupaaon kese,
Teri suurat hi meri ankhon ka sarmaya hai,
Tere chehre se nigaahon ko hattaaon kese,
Tu hi batlaa meri yaadon ko bhulaane wale,
Main teri yaad ko is dil se bhulaaon kese,
Phool hota to tere dar pe sajaa bhi deta,
Zakham le kar teri dehleez pe aaon kese,
Aayina maand parre saans bhi lene se adeem,
Itna naazuk ho taluq to nibhaaon kese,
Woh rulaata hai rulaye mujhe ji bhar ke adeem,
Meri aankhen hai woh main us ko rulaaon kese..


Send this SMS | Adeem Hashmi, Ghazal Shayari |

Us ke nazdeek gham-e-tark-e-wafa kuch bhi nahin..
Us ke nazdeek gham-e-tark-e-wafa kuch bhi nahin,
Mutmayin aesa hai woh jese ke hua kuch bhi nahin,
Ab to hathon se lakeeren bhi mitti jaati hain,
Us ko kho kar to mere pas raha kuch bhi nahin,
Kal bicharrna hai to phir ehd-e-wafaa soch ke baandh,
Abhi aghaaz-e-mohabbat hai geya kuch bhi nahin,
Main to is wastay chup hoon ke tamasha na bane,
Tu samajhta hai mujhe tujh se gilaa kuch bhi nahin,
Ae shumaar ankhen isi tarah bichaaye rakhna,
Jaane kis waqt woh aa jaye pata kuch bhi nahin..
 Listen this Poetry »


Send this SMS | Akhtar Shumaar, Audio Shayari, Ghazal Shayari |

Kahin door chal mere hamnawaa..

Kisi aur bassti main dil laga, kahin door chal mere hamnawaa,
Hai sheher mukamal faraib ka, kahin door chal mere hamnawaa,
Har shakss matlab parast hai, humen is nagar main shikast hai,
Na tera hai koi na hai mera, kahin door chal mere hamnawaa,
Ab nafsa nafsi ka daur hai, be-reham logon ka zor hai,
Ab koi bhi nahin aasraa, kahin door chal mere hamnawaa,
Woh jo meri duniya main rang tha woh jo shaks meri umang tha,
Wohi shakss mujh se bicharr geya, kahin door chal mere hamnawaa,
Woh jo lamha lamhaa qareeb tha, woh jo sirf mera naseeb tha,
Woh mere naseeb se mitt geya, kahin door chal mere hamnawaa,
Kab tak rahe ga woh aas main, “naqvi” woh har ik saans main,
Kab tak rahe ga yuun mubtilaa, kahin door chal mere hamnawaa..


Send this SMS | Syed Uzair Naqvi |

Kya ghazab hai ke hijr ke din bhi..
Kya ghazab hai ke hijr ke din bhi,
Zindagi main shumaar hote hain..
`


Send this SMS | Designed Shayari, Judaii Shayari |

Itni muddat baad mile ho..
Itni muddat baad mile ho,
Kin sochon main gum rehte ho,
Itne haayef kyun rehte ho,
Har aahatt pe ddar jate ho,
Taiz hawa ne mujh se pucha,
Rait pe kya likhte rehte ho,
Kash koi hum se bhi pooche,
Raat gaye tak kyun jaage ho,
Main daryaa se bhi dartaa hoon,
Tum daryaa se bhi gehre ho,
Kon si baat hai tum main aesi,
Itne ache kyun lagte ho,
Peeche murr kar kyun dekha tha,
Pathar ban kar kya takte ho,
Jao jeet ka jashn manao,
Main jhoota hoon tum sache ho,
Apne sheher ke sab logon se,
Meri khaatir kyun larrte ho,
Raat humen kuch yaad nahin tha,
Raat bohat hi yaad aaye ho,
Hum se na poocho hijr ke qisse,
Apni kaho ab tum kaise ho,
Mohsin tum badnaam bohat ho,
Jese ho phir bhi ache ho..
 Listen this Poetry »


Send this SMS | Audio Shayari, Mohsin Naqvi |

Duniya ki taraf laut ke aanay ke nahin hum..

Duniya ki taraf laut ke aanay ke nahin hum,
Sach baat yeh hai tere zamaane ke nahin hum,
Awaaz mizaaji bhi tabiyat nahin apni,
Wese to kisi thikaane ke nahin hum,
Ik dard ki daulat hai jise banttay phiray,
Maalik bhi kisi aur khazaane ke nahin hum,
Tu ne to abhi khail ka aghaaz kiya,
Kirdaaar abhi tere fasaane ke nahin hum,
Kehte chale jaate hain kahani pe kahani,
Is qaid se baahar kabhi jaane ke nahin hum,
Shehzad dil o jaan pe jo guzri hai qayamat,
Woh zakham kisi ko bhi dikhaane ke nahin hum..


Send this SMS | Ghazal Shayari, Shehzad Ahmad |

Aaj se hum ne chorr di zahid..
Aaj se hum ne chorr di zahid,
Iss khushi main to jaam ho jaye..


Send this SMS | Aabi Makhnavi |

Zindagi hai ya koi tuufaan hai..

Zindagi hai ya koi tuufaan hai,
Hum to is jeene ke hathon mar chale..

Advertisement