Meri saari zindagi ko be-samar us ne kiya..

 
Posted by:Zeshan

Meri saari zindagi ko be-samar us ne kiya,
Umar meri thi magar us ko bassar us ne kiya,

Main bohat kamzor tha us mulk main hijrat ke baad,
Pr mujhe us mulk main kamzor-tar us ne kiya,

Sheher main woh moatbar meri gawaahi se hua,
Phir mujhe uss sheher main na-moatbar us ne kiya,

Sheher ko barbaad kar ke rakh diya us ne munir,
Sheher pr yeh zulm mere naam pr us ne kiya..

Advertisement