[Urdu Poetry] - Parveen Shakir Poetry

 
Posted by:Zeshan


teri khushbu ka pata karti hai

mujh pe ehsan hawa karti hai




shab ki tanhai main ab to aksar
guftagu tujh se raha karti hai




dil ko us rah pe chalna hi nahin
jo mujhe tujh se juda karti hai




zindagi meri thi lekin ab to
tere kahne main raha karti hai




us ne dekha hi nahin warna ye ankh
dil ka ehwal kaha karti hai



beniyaz-e-kaf-e-dariya angusht

ret par nam likha karti hai

Advertisement